COMUNICADO DO COLEXIO SOBRE A VACINACIÓN DOS PROFESIONAIS SANITARIOS QUE TRATAN PACIENTES CON COVID-19

A Coruña, 3 de febreiro de 2021

Ante as numerosas queixas recibidas de compañeiros que traballan en servizos de hospitais concertados nos que se tratan a pacientes con covid-19, definidos pola Consellería de Sanidade como de vacinación preferente na fase 2, o Colexio Oficial de Médicos da Provincia da Coruña vese na obrigación de informar á opinión pública dos seguintes puntos:

1.- Na reunión mantida coa Consellería de Sanidade, previa ao comezo da vacinación, acordouse que todos os profesionais incluídos nos servizos referidos, tanto da sanidade pública como da privada, vacinaríanse simultaneamente e seguindo o mesmo orde alfabética empregado no sector público.

2.- O Colexio transmitiulle ese compromiso aos hospitais concertados, que confirmaron que lles era solicitado a listaxe de todos os profesionais a vacinar.

3.- O primeiro día da vacinación, a nosa institución púxose en contacto cos centros, os cales nos comunicaron que se pospuxo a inmunización dos profesionais dos hospitais privados.

4.- O Colexio fixo as oportunas chamadas ás autoridades sanitarias para esixir o cumprimento do acordado. A súa resposta foi que se procedería a emendar o problema de inmediato. Así se fixo o primeiro día, segundo o testemuño dos centros concertados.

5.- Posteriormente, volveu parar a vacinación nos hospitais privados. Non se completou a inmunización dos sanitarios nestes centros, como si sucedeu na sanidade pública e privada de toda Galicia, excepto na Coruña e Santiago de Compostela.

6.- Despois de moitas chamadas e xestións #ante as autoridades sanitarias, incluíndo queixas públicas dos profesionais afectados nos medios de comunicación, o presidente do noso Colexio recibiu onte unha carta do conselleiro de Sanidade na que se comprometeu coa inmunización inmediata dos profesionais que aínda non recibiron a vacina, establecendo a próxima semana como data límite. Ante iso, o noso agradecemento e satisfacción.

7.- O Colexio Oficial de Médicos da Provincia da Coruña estivo -e está-a monitorar permanentemente este asunto, do mesmo xeito que fai con todas as cuestións relacionadas coa covid-19. Atendeu e seguiu todas as queixas e reclamacións realizadas polos médicos que traballan na sanidade privada e pública. Nesta última, tamén se estableceron criterios de vacinación diferentes en función das áreas sanitarias.

8.- En reiteradas ocasións, a nosa institución fixo saber á Consellería que o é de toda a sanidade de Galicia, tanto pública como privada. No caso da vacinación, o criterio que defendemos para dar prioridade a algúns profesionais foi a exposición de risco á enfermidade, non se desenvolvía a súa actividade na asistencia sanitaria pública ou privada.

9.- Por último, desde a lealdade institucional e o espírito de colaboración dos que o noso Colexio sempre fixo gala, reiteramos o noso ofrecemento para seguir traballando por unha mellor sanidade galega, no marco dos nosos valores éticos e deontolóxicos de equidade e xustiza social.